Presentación de la candidatura (aranés)

    Montanhaires,

    per prumèr còp en fòrça ans era nòsta federacion va a celebrar ues eleccions en qué vam a poder escuélher es nòsti representants entre diuèrses candidatures.

    Era candidatura que vos presentam ei era vòsta candidatura. Ei era candidatura des que volguen somar-se ad aguest projècte e trabalhar pes nòsti espòrts. Ei ua candidatura que nèish des federacions autonomiques, ua prepausa avalada pera majoritat des presidents de federacions, e emparada per fòrça tecnics e esportistes de desparièrs territòris. Sense aguest aval non auéssem pas dat aguest pas.

    Era alma mater d’aguesta candidatura èm ua EQUIPA damb ua rica experiéncia e diversitat. Era nòsta relacion ei basada ena confiança. Èm unidi e en constanta comunicacion. Èm persones comprometudes. Mos parlam damb franquesa, e es critiques que mos hèm son constructives. Ja auem dedicat eth nòste trabalh ara FEDME des de hè ans e non desconeishem eth sòn passat, present e futur. Sabem a on volem arribar e ac volem hèr damb era vòsta collaboracion:

    José Luis Rubayo, vicepresident dera FEDME e responsable der Airau d’Escalada e Alpinisme; e president dera Federación Madrileña de Montañismo.
    José María Nasarre, membre dera Junta Directiva dera FEDME des de 2005 e responsable der Airau d’Accèssi e Natura; e membre dera Junta Directiva dera Federación Aragonesa de Montañismo des de 1997.
    Teresa Campuzano, arbitre FEDME; e avocada que mos defen enes tribunaus deuant deth conflicte que viuem damb es carrères per montanha.

    Des deth prumèr moment, auem somat. En tot trabalhar amassa damb nosati, e cargadi d’illusion, i a un grop nombrós d’expèrts enes sòns airaus respectius que coneisheratz ara seguida. Damb eri trabalham un brolhon qu’a d’èster eth futur Plan Estrategic dera FEDME, e frut d’aguest esfòrç e dedicacion son es prepauses deth programa qu’ara vos presentam. Mès auem de besonh era vòsta ajuda e participacion entà auançar en aguest projècte. Des deth principi volem qu’aguesta sigue ua federacion participativa.

    Coma cap d’aguesta expedicion m’auetz a jo, ath vòste servici: Alberto Ayora

    Aqueri qu’èm implicadi en aguest projècte auem ua passion comuna que mos amasse, era montanha. “Eth còr a arrasons qu’era arrason non compren pas”, mès senti que çò que mès m’atrè d’aguest projècte ei assumir un rèpte d’envergadura e damb un interès sociau evident. Un projècte basat en VALORS e qué eth PLAN COMUN sigue era bossòla que mos guide.

    Eth moment ei apassionant pr’amor qu’era halha olimpica mos illumine en estiu e possiblaments en iuèrn, mès tanben en un moment fòrça delicat, ja que i a menaces importantes que mos exigissen eth maxim compromís e responses efectives. Damb mès motiu auem de besonh era ajuda de toti.

    Prenetz-vos tota era libertat e confiança entà manifestar es vòsti dobtes e inquietuds. Volem afrontar eth futur damb era vòsta collaboracion.

    Recebetz ua fòrta abraçada montanhèra e eth nòste arregraïment per auança.